A casa do General Paredes, edificio situado na praza Condes de Fenosa, en pleno centro de Portomarín, será completamente rehabilitado co obxectivo de convertelo nun lugar para o goce tanto dos veciños como dos visitantes e peregrinos que diariamente pasan polo pobo.
O proxecto, que xa estaba contemplado nos últimos Orzamentos Xerais do Estado aprobados, só está pendente dunha última autorización de Patrimonio para que se poidan executar as obras.
A casa do General Paredes, polo tanto, converterase en un edificio multiusos con diversas funcionalidades. O proxecto do edificio mostra un espazo no que se inclúen salas de lectura, biblioteca, salón multiusos e salas de exposicións, entre outros.
O concepto desta casa para o pobo estaría pensado desde a flexibilidade, de modo que as iniciativas que se poidan levar a cabo en Portomarín teñan cabida no mesmo.
A casa do General Paredes foi adquirida no seu día polo Concello de Portomarín e nela xa se acometeron as obras de accesibilidade
As salas de lectura, por exemplo, estarían pensadas para dar cabida a diferentes idiomas, debido á procedencia diversa de persoas que poderían facer uso do local, moitos deles peregrinos do Camiño de Santiago. Cada unha delas estará tamén enfocada a necesidades diferentes, como un local con mobiliario máis confortable para momentos máis distendidos.
O salón de reunións tería o equipamento necesario -fibra óptica, vídeo ou wifi, entre outros servizos- e un deseño adaptable a cada necesidade, como
O edificio contará tamén coa reconstrución de un pequeno bar, que se pode empregar para determinado tipo de eventos ou como complemento das salas existentes no centro.
A casa do General Paredes foi adquirida no seu día polo Concello de Portomarín e nela xa se acometeron as obras de accesibilidade para que sexa un edificio adaptado a persoas con diferentes graos de mobilidade.
