Axentes da Garda Civil, veciños da localidade e efectivos de urxencias detiveron este mércores ás 15.00 horas o operativo de procura de José Edelmiro Veiga Espiño, de 86 anos. O home desaparecera este martes no lugar de Matela, no municipio lucense de Outeiro de Rei, e foi atopado a 300 metros do seu domicilio.
Segundo informaron fontes da Garda Civil, o home padece unha enfermidade mental, polo que todo parece indicar que puido desorientarse. A súa familia botouno en falta ao redor das 13.00 horas do martes, aínda que a Garda Civil non tivo coñecemento da desaparición ata as 19.00 horas.
No operativo de procura participaron drons do 112, un helicóptero da Garda Civil e unha unidade canina de Protección Civil de Ferrol.
