Domingo. 23.09.2018 |
El tiempo
Domingo. 23.09.2018
El tiempo

Buscan a oito persoas pola agresión no Corgo

O alcalde anuncia que analizará "fríamente" o sucedido antes de adoptar medidas

A Garda Civil puxo en marcha unha investigación para tratar de identificar ás oito persoas que na tarde deste domingo agrediron a outras catro por unha suposta vinganza nas inmediacións da piscina municipal do Corgo, dado que uns días antes non lles permitiron o acceso á área recreativa coa desculpa de que o aforamento estaba cuberto. 

Segundo informaron a Efe fontes do Instituto Armado, os feitos ocorreron ao redor das 19.00 horas, cando oito persoas se presentaron na terraza do bar que está situado á beira da área recreativa do río Chamoso, onde está emprazada tamén a nova piscina municipal do Corgo, e comezaron a increpar ás persoas que estaban alí.

A actitude dos supostos agresores desencadeou unha pelexa, na que os responsables do altercado usaron paus para golpear ás vítimas, catro persoas en total, entre elas o propietario do local de hostalería. 

Todos eles recibiron asistencia sanitaria no Hospital Universitario Lucus Augusti (Hula), aínda que ningún dos feridos -con idades comprendidas entre 36 e 52 anos- resultou lesionado de gravidade. 

Xa houbo problemas antes
O alcalde da localidade, José Antonio Ferreiro, dixo que o Goberno local analizará "fríamente" o sucedido para garantir en diante a seguridade na piscina municipal, porque a súa única preocupación "é que as instalacións sigan funcionando normalmente".

"Con esta xente, cos xitanos, xa tivemos problemas en Adai -na feira de gando anual- e houbo que desistir de organizar un rodeo que se facía", coincidindo con esa cita, dixo o alcalde. 

Agora, despois do altercado que se produciu onte nas inmediacións da área recreativa do río Chamoso, o Concello do Corgo estudará como incrementar as medidas de seguridade e "a ver que se pode facer".

Buscan a oito persoas pola agresión no Corgo