O grupo municipal do BNG de Castroverde, cuxo portavoz é Xosé Gómez, levará ao próximo pleno unha iniciativa para instar o arranxo da vía romana XIX, que transita pola parroquia de Tórdea.
Segundo explican os nacionalistas, as últimas choivas torrenciais deixaron este camiño practicamente intrasitable, con zonas "totalmente desfeitas".
Os nacionalistas recordan que, ademais de pola súa importancia histórica, esta calzada tamén posúe unha grande utilidade pública, xa que dá acceso a moitas leiras da zona.
O BNG denuncia que coas últimas choivas orixináronse "fochancas de máis de 50 centímetros de profundidade", que imposibilitan tanto que os veciños poidan acceder ás súas propiedades como que os afeccionados poidan realizar rutas por esta vía histórica.
