Un condutor resultou ferido leve este sábado ao esnafrarse co seu BMW contra un coche da Garda Civil na A-6. Ocorreu a media mañá nas inmediacións da área de servizo do Corgo, onde, ao parecer, o condutor do BMW, de 31 anos e que resultou ferido leve, acababa de pasar un control rutineiro.
O condutor explicou que ao incorporarse á autovía cegoulle o sol e non viu o vehículo oficial. Os dous axentes que estaban no interior resultaron ilesos.