Un condutor resultou ferido tras sufrir un accidente á primeira hora da mañá deste domingo en Castroverde.
O incidente produciuse no quilómetro 15,800 da estrada LU-530, que conecta Lugo coa Fonsagrada. Segundo informou a Garda Civil, o accidente tería lugar ao redor das 6.30 horas.
O causante do suceso foi a aparición na estrada dun corzo. O condutor non puido frear e atropelou ao animal, tras o cal o coche saíuse da estrada.