Efectivos de urxencias interviñeron na noite deste martes para liberar o condutor dun quad que chocou cun turismo no municipio do Corgo. O sinistro tivo lugar ao redor das 23.00 horas no quilómetro 4,100 da LU-546, a vía que une Nadela e Monforte.
Os dous vehículos chocaron e, como consecuencia do impacto, a perna do condutor da cuatrimoto quedou atrapada na defensa do coche. Ata o lugar desprazáronse efectivos dos bombeiros e tamén unha Uvi móbil do 061.
