O centro de día do Corgo celebrou este venres ao grande do Día Internacional das Persoas Maiores. A estrela da xornada foi a actriz Benedicta Sánchez, natural da vila e protagonista da película O que arde, de Óliver Laxe.
A octoxenaria ofreceu unha charla no centro sociocultural para contar aos numerosos asistentes a súa experiencia na rodaxe do galardoado filme.
O toque musical do día púxoo a asociación cultural A Legua Dereita e ademais houbo petiscos para todos os asistentes.