A biografía autorizada de Steve Jobs, escrita por Walter Isaacson, ex director da revista Time, chegará ás libreiras españolas en castelán e en catalán o próximo día 28, informou hoxe a editorial Random House Mondadori, responsable da publicación.
A morte de Steve Jobs adiantou a saída en EEUU desta biografía, prevista para inicialmente para o 21 de novembro, ao 24 de outubro, e hoxe sóubose que chegará a España xa traducida catro días despois cos selos Debate (en castelán) e Rosa dels Vents (en catalán)
Esta biografía baséase en máis de corenta entrevistas que Isaacson realizou a Jobs durante máis de dous anos e longas conversacións con máis dun centenar de familiares, amigos, adversarios, competidores e compañeiros.
A obra pódese encargar por Amazon.com desde o mércores pola noite e é xa o libro máis vendido. En España aínda non se pode encargar.
Na nota de Ramdom House Mondadori sinálase que, aínda que Jobs colaborou co autor do libro, non pediu ningún control sobre o contido, nin sequera o dereito a lelo antes da súa publicación.
Engade que Jobs fala con sinceridade ás veces brutal sobre a xente coa que traballou e coa que competiu, e os seus amigos, rivais e colegas ofrecen unha visión sen edulcorar do fundador de Apple.
A nota entrecomilla a cita de Jobs "Fixen moitas cousas das que non sinto orgulloso, como deixar á miña noiva embarazada aos 23 anos e como me comportei entón, pero non hai ningún cadáver no armario que non poida saír " luz .
