Domingo. 23.09.2018 |
El tiempo
Domingo. 23.09.2018
El tiempo

Setién recupera a Pita, é dúbida Rubén e son baixas Fran e Monti

O Lugo continúa coa preparación o partido do próximo domingo ante a Veciñanza, para o que Quique Setién recuperará a Carlos Pita, que foi baixa nos dous últimos partidos. Aínda que se adestrou con normalidade a pasada semana, non superou a proba do pasado sábado e non xogou en Alcalá. Durante esta semana, o coruñés adestrouse con normalidade e sen molestias.

A dúbida de Setién agora é Rubén García, que segue con problemas nun nocello. Así as cousas, podería descansar o domingo e no seu lugar podería entrar Carlos Pita xunto a Javi Rei no dobre pivote, posición na que tamén está a entrar aos poucos Iván Zarandona, ao que parece estarlle custando algo coller o ritmo dos seus compañeiros.

Xunto a Rubén García adestrouse onte fose de grupo, facendo carreira continua, Monti, que se recupera do golpe que sufriu nun xeonllo ante o Mariño e polo que foi baixa o pasado domingo en Alcalá. Ademais, está lesionado o central Fran Pérez, cunha tendinite que se está tratando, e Gradua evoluciona favorablemente do seu xeonllo, aínda que segue de baixa.

Setién tamén podería meditar facer algún cambio nos laterais da defensa e a posibilidade de seguir rotando nas bandas da medular entre Quero, Isma e Luismi e na punta de ataque, onde agora está Iván para disputarlle o posto a Belencoso.

Antas, ao Ordes

O monterrosino Pablo Antas foi o último xogador do primeiro persoal da pasada tempada en atopar equipo, xa que se comprometeu co Ordes, de Terceira, categoría na que militan os tamén exrojiblancos Javi Pita e Álex Bao (Somozas), Diego Rey (Estradense) e Diego López (Vilalbés). Ziko e Óscar Rivas xogan cedidos no Outeiro, en Primeira Autonómica, aínda que se adestran co Lugo.

Setién recupera a Pita, é dúbida Rubén e son baixas Fran e Monti
Comentarios