Miércoles. 19.09.2018 |
El tiempo
Miércoles. 19.09.2018
El tiempo

"Bloqueámonos ante o seu empuxe e non soubemos reaccionar"

Lisardo Gómez protesta ante uno de los árbitros en presencia de Sergio Sánchez.
Lisardo Gómez protesta ante uno de los árbitros en presencia de Sergio Sánchez.
Lisardo Gómez di que o equipo non logrou recuperarse fisicamente do partido do domingo

Lisardo Gómez, adestrador do Breogán, recoñeceu que o seu equipo non tivo capacidade de reacción fronte a «a dureza, intensidade e agresividade» coa que xogou o Ourense o último partido do play off de ascenso.

«Nós tivemos a nosa oportunidade en Lugo, tivémolo moi preto. Chegamos a Ourense con algunha xogador clave moi canso e a nosa opción pasaba por dar un golpe de autoridade ao principio e que eles se puidesen vir abaixo. Intentámolo, pero o Ourense, cun xogador como Suka-Umu, marcou diferenzas tanto ofensiva como defensivamente e foron recortando puntos», explica.

Decisivo. "Nós chegamos con algunha xogador clave moi canso e para eles Suka-Umu marcou as diferenzas"

Nesta situación, segundo Lisardo Gómez, o Breogán «foise afundindo e non tivemos capacidade de reacción». Ante o empuxe do Ourense no segundo cuarto, o técnico lucense dixo que intentaron buscar solucións, pero «eles aumentaron a súa dureza e quedámonos bloqueados, non soubemos xogar, en defensa non estivemos ao seu nivel e deixámonos avasallar».

Lisardo Gómez deu as grazas á afección lucense por «o pedazo de espectáculo que deron» e, aínda que onte dicía que «non era o momento de falar» da súa continuidade, asegurou que lle gustaría «continuar no Breogán», co que ten contrato en vigor.

Futuro. "Gustaríame seguir no Breogán a próxima tempada, pero non é o momento de falar sobre este tema"

O técnico non quixo falar dos árbitros. «Se non o fixen o domingo, hoxe (por onte) tampouco. Os vídeos están para que calquera poida ver o que sucedeu», comentou visiblemente contrariado.

Sobre o ánimo do equipo, asegurou que todos os seus homes están afundidos. «Tiñámolo nas nosas mans e non puido ser. Tras o partido do domingo en Lugo levantámonos animicamente, pero non fisicamente», dixo para explicar o sucedido.

"Bloqueámonos ante o seu empuxe e non soubemos reaccionar"
Comentarios