Vitoria a domicilio do Estudiantes (64-77), no encontro que lle enfrontou ao Noia, correspondente á vixésimo oitava xornada da Primeira división masculina. Con este triunfo, o conxunto lucense mantense na undécima posición da clasificación, con once vitorias e quince derrotas.
Comezou ben o equipo lucense, cun gran acerto desde a liña exterior. Os oito triplos anotados antes do descanso permitíronlle chegar cunha vantaxe de sete puntos a un terceiro cuarto no que romperon o partido definitivamente. Ademais, o equipo lucense dominou o xogo interior tanto en ataque como en defensa, reboteando con acerto para xogar ao contraataque.
A partir de aí, unha boa xestión do resultado e a presión a toda cancha deulles a vitoria. Os xogadores máis destacados foron Charles, Álvar e Jordi.
