NA QUINTA edición do Esmorga Fest, Sarria vólvese a converter este venres e sábado en capital da música underground. Este ano o cartel subiu aínda máis de nivel, incorporando a bandas de renome como Lagartija Nick, Toundra ou Carolina Durante, a banda do momento no panorama musical estatal.
Este venres, ás 20.30 horas, o pop experimental de Seda soará na sala Litmar para arrincar a festa, que continuará con Dûrga, Voltaica, Ànteros, Túa, Sierra, El Lado Escuro de la Broca e Pálida.
O sábado é o momento para gozar dos mellores artistas emerxentes na Unión. Desde as 13.00 horas ata as 18.30 pasarán polo Esmorga os ritmos de Juanita Dinamita, Amor Xermano ou Don Gonzalo, entre outros.
O colofón final empezará ás 21.00 horas con Apartamentos Acapulco, ao que seguirán Can, Toundra, Lagartija Nick, Carolina Durante, Za! e finalizará coa electrónica de PV3000.
