Un voraz incendio calcinou a pasada madrugada unha nave dedicada a gardar forraxe nunha explotación do municipio lucense de strong <>Cervantes, sen provocar danos persoais. O 112 recibiu aviso do lume cando pasaban poucos minutos das cinco da mañá e, inmediatamente, alertaron aos bombeiros de Sarria e ao GES de Becerreá, que desprazaron efectivos ao lugar do suceso, no lugar da Chá, na parroquia de San Tomei de Cancelada.
Ademais, a central de coordinación de urxencias tamén deu aviso a Protección Civil, á Garda Civil e á Xunta de Galicia. Posteriormente, foron os propios bombeiros de Sarria quen informaron ao 112 da extinción do incendio, aínda que as chamas arrasaron por completo a nave e o que había no seu interior. De feito, a causa do lume, a estrutura do teito veu abaixo.
O incendio non se propagou a outros edificios próximos e tampouco houbo que lamentar danos persoais. O alcalde da localidade, Benigno Gómez, informou a Efe de que na nave os propietarios gardaban a forraxe, pero tamén algunhas vacas. Afortunadamente, precisou, un dos fillos do propietario conseguiu sacar aos animais antes de que se visen afectados as chamas.
