O veciño da Fonsagrada José Pérez Álvarez recorreu ante o Tribunal Constitucional para que declare nula a providencia da Sala do Contencioso do Supremo que non admitiu o recurso de casación do demandante contra a sentenza do Tribunal Superior de Xustiza de Galicia que desestimaba a súa reclamación contra a aprobación do Plan Xeral de Ordenación Municipal fonsagradino.
O avogado de Pérez Álvarez pide que se teña en conta o informe de Icomos, un organismo da Unesco, sobre a incidencia da construción do acceso ao futuro polígono industrial no Camiño Primitivo.