Efectivos do GES de Becerreá, da Garda Civil e unha ambulancia do 061 auxiliaron a un ancián con mobilidade moi reducida que caeu na súa vivenda, situada na Travesía do Mercado de Becerreá.
é a sexta vez que persoal de seguridade cidadá ten que acceder á vivenda nos últimos meses para axudar a esta persoa, que normalmente está encamada, para levantala tras unha caída.
Esta ancián chama ao teléfono de urxencias 112 cando sofre algún contratempo e está só, aínda que convive cun familiar.
A intervención, que obrigou aos grupos de seguridade a abrir a porta da vivenda polos seus propios medios, correu a cargo de efectivos do GES de Becerreá. A chamada produciuse a media tarde, durante o desfile de disfraces becerrense, segundo indicaron fontes consultadas polo xornal.
Ante as reiteradas chamadas de socorro, a Garda Civil levantou un ateigado no que se expón a situación na que vive esta persoa de avanzada idade, que foi trasladada ao centro de saúde local para unha revisión.
