Un tendido caído e sen reparar deixa oito horas a Navia sen teléfono fixo e internet

O municipio de Navia de Suarna permaneceu o mércores sen teléfono fixo e internet durante oito horas por mor dunha avaría. As conexións por cable, dependentes de Telefónica, estiveron cortadas de sete da mañá ata as tres da tarde, "nun horario de plena actividade en organismos públicos e comercios", segundo indicou o alcalde naviego, José Fernández.

A orixe da avaría está nun tendido situado en San Martín, cuxo cableado veu abaixo en novembro, por mor da caída dunha árbore durante un incendio. A liña quedou no chan, "exposta ao paso dous animais e outras incidencias, sen que ninguén viñera arranxala, nun caso de abandono sen precedentes na historia de Telefónica", agregou Fernández. Esta situación provocou outro corte de comunicacións, por espazo de tres horas, a principios de mes.

José Fernández expresou a súa intención de acudir ao departamento de Consumo da Xunta de Galicia para pedir que se adopten medidas para corrixir "unha situación inadmisible" e para esixir a Movistar que "cumpra a súa obriga de mantemento dás liñas".