O mércores pola tarde, por primeira vez logo dun mes e medio, os maiores que viven no Residencial Rois deron un paseo pola alameda da Fonsagrada, que está moi próxima ás instalacións. Toda unha alegría para eles e para os veciños, que despois de que o municipio estivese en alerta por covid, celebraron ese momento.
O Concello e a Deputación chegaron a un acordo para levar a cabo con seguridade este xesto tan sinxelo e que, con todo, serve para mellorar a calidade de vida destas persoas para quen os confinamentos resultan moito máis estritos e máis duros, tamén emocionalmente, como indicou o deputado de promoción económica e social, Pablo Rivera Capón.
O sol de novembro axudou a dar este paso e a sacar máis partido a un espazo que foi reformado hai pouco. "As obras na alameda pasaron
A Deputación e o Concello chegaron a un acordo para aliviar as duras restricións e o seu impacto emocional nos maiores
Deste xeito, a dirección do centro puxo en marcha esta iniciativa, para que os maiores puidesen gozar deste espazo durante unha franxa horaria determinada sen que se produzan contactos con persoas alleas ao centro. Os maiores continuarán realizando estas saídas, sempre acompañados polo persoal profesional do centro.
"A residencia da Fonsagrada está pensada para que os maiores convivan coa veciñanza, por iso está situada no centro, pero co covid os contactos víronse limitados para protexer aos maiores. Noutras residencias os usuarios teñen un amplo espazo para saír no propio recinto", manifestou Pablo Rivera.
