Gloria Fernández Blanco, profesora do instituto Fonte Albei da Fonsagrada, atópase nunha situación surrealista. Unha avaría deixouna sen internet, nin teléfono fixo, desde o día 4. Esta circunstancia supón un grande obstáculo para desenvolver o seu labor a través do teletraballo. "Non poido usar o ordenador. Nos últimos días tiven que corrixir polo móbil,
A compañía Eurona, que fornece internet por satélite a fonsagradinos residentes na zona rural, contestoulle que a situación se debe á avaría nunha antena, provocada polo temporal que se desatou esa xornada na provincia de Lugo. "Chamo case a diario, pero non fan a reparación", asegura Fernández Blanco, que reside en casa da súa nai, que é a titular da liña, na parroquia de Lamas de Campos. A denunciante precisou que nunca viviu un feito similar. "Temos avarías con certa frecuencia, a última delas en abril, pero non tardaban máis de dous días en arranxalas", afirmou.
Esta docente trasladou a situación ao alcalde, Carlos López, que se comprometeu a remitir un escrito a Eurona para darlle a coñecer as queixas dos usuarios e reclamar unha solución. Esta empresa foi pioneira na cobertura de internet vía satélite en zonas rurais de Lugo.
