A Garda Civil segue este xoves "sen novidade" co dispositivo da procura do veciño de Navia de Suarna permanece desaparecido desde o venres pasado, 30 de abril.
Así o informaron a Europa Press fontes do Instituto Armado, que indicaron que "non hai novidade" ata o momento no rastrexo que seguen efectivos en zonas concéntricas do lugar de desaparición deste home.
Este luns pasado o Grupo de Apoio Loxístico (Gali) da Axencia Galega de Emerxencias (Axega) colaborou no operativo despregado para localizar ao home de 53 anos de idade que desapareceu da súa casa no lugar de Ventosa, en Navia de Suarna, o pasado venres.
Co emprego de drons, os membros do Gali peitearon o luns unha zona próxima á vivenda, na parroquia de Moia, na procura dalgunha pista para dar co desaparecido.
O 112 Galicia tivo coñecemento da desaparición do home durante a noite do sábado, a través de varios dos seus familiares e, a partir de aí, activouse un operativo, coordinado pola Garda Civil, no que colaboraron efectivos do GES de Becerreá, membros da Agrupación de Voluntarios de Protección Civil de Cervantes e a Unidade de Drones da Axega.
O desaparecido, de 53 anos, vive só na aldea de Ventosa e foi un veciño de alertou o sábado pola tarde de que non o vía desde facía un día, e que ademais tiña o coche no garaxe á beira de casa. O home chamábao e non contestaba e a vivenda estaba pechada.
O home desaparecido non ten irmáns e conta con familiares en segundo grao. Hai testemuños que aseguran que foi visto no municipio o venres ao mediodía.
