As fortes nevadas rexistradas nos últimos días provocaron "graves danos" nos castiñeiros da montaña de Lugo, con numerosas ramas rotas pola neve, segundo informou Unións Agrarias, que cifra nun 80% a produción perdida por mor desta circunstancia e da avespiña do castiñeiro.
Esta situación, explicaron, "vai deixar a un número moi importante de veciños sen un complemento de renda que, de media, supón 6.000 de euros por explotación".
A nevada deste fin de semana "sorprendeu aos castiñeiros aínda con moita folla e ourizos", o que, "unido á lonxevidade das árbores", provocou "que grandes extensións de bosques quedasen moi afectados", con ramas rotas polo peso da neve.
Ademais, Unións Agrarias denunciou unha vez máis o "deficiente mantemento de liñas eléctricas e de telefonía", que manteñen a aldeas sen subministración.
Desde Unións Agraias piden á Xunta de Galicia que, ademais de ofrecer o servizo da oficina de Consumo para denunciar as perdas dos usuarios, que actúe de oficio contra das compañías que non cumpren co mantemento das liñas.