A montaña de Lugo quedará este martes en alerta amarela por nevadas, mentres que na Mariña o aviso será laranxa por fenómenos costeiros.
Unha fronte activa pasará sobre Galicia durante as primeiras horas deste martes achegando inestabilidade e arrastrando aire frío procedente do Atlántico norte.
Deste xeito os ceos estarán cubertos, con choiva persistente ao principio do día, máis intermitente o resto da xornada.
A cota de neve situarase nos 1.100-1.200 metros.
As temperaturas mínimas ascenderán lixeiramente, mentres que as máximas non terán cambios significativos.
Os ventos soprarán do noroeste, fortes no litoral e zonas altas e con menor intensidade noutros puntos do interior.
Temperaturas extremas previstas nas cidades:
A Coruña 10°/13°, Ferrol 10°/12°, Lugo 4°/9° Ourense 5°/12°, Pontevedra 7°/13°, Santiago 7°/ 10° e Vigo 8° 13°.