Este luns activouse un aviso laranxa por nevadas nas montañas do leste de Lugo e Ourense que permanecerá vixente ao longo da xornada. Mentres tanto, a costa galega continuará co nivel laranxa iniciado este domingo.
En concreto, as zonas máis orientais de Ourense comezarán xa desde a medianoite con este aviso amarelo que prevé acumulacións de neve que poderían superar os 10 centímetros.
En canto a Lugo, esta mesma alerta permanecerá activa desde as 3.00 da mañá e ata a madrugada do martes na fronteira coas provincias de Asturias e León, tamén con acumulacións que poderían pasar os 10 centímetros de neve.
En toda a costa galega continuará ata as 15.00 horas da tarde do luns o aviso laranxa decretou este sábado. O fenómeno meteorolóxico no litoral está a deixar ondas superiores aos cinco metros de altura.