viernes. 14.05.2021 |
El tiempo
viernes. 14.05.2021
El tiempo

Ferido de gravidade ao sufrir un envorco na Fonsagrada

Os traballos de excarceración duraron case tres horas. XESÚS Ponche
Foi excarcerado tras varias horas de traballos dos servizos de urxencias

O condutor dun camión de madeira resultou ferido nun accidente de tráfico rexistrado este martes ao envorcar o vehículo que conducía ao seu paso polo termo municipal da Fonsagrada (Lugo). 

Segundo informou o 112 Galicia, este sinistro tivo lugar sobre as 11,00 horas no punto quilométrico 56 da estrada LU-530 ao seu paso pola Fonsagrada. 

As mesmas fontes concretaron que o condutor deste camión de madeira tivo que ser excarcerado despois de sufrir o accidente no que quedou atrapado no seu vehículo. 

Sobre as 11,00 horas deste martes o 112 Galicia recibiu a chamada dos propios membros de Protección Civil do concello que, desde o lugar dos feitos, alertaron do sucedido. 

Nese momento, os operadores do Centro Integrado de Atención ás Emerxencias avisaron aos Bombeiros de Sarria, á Garda Civil de Tráfico e a Urxencias Sanitarias de Galicia-061, que considerou necesaria a mobilización do helicóptero medicalizado con base en Ourense até o lugar. 

Desde o lugar dos feitos, os Bombeiros de Sarria confirmaron ao 112 que o condutor xa for a liberado. 

Ferido de gravidade ao sufrir un envorco na Fonsagrada
comentarios