O alcalde de Baralla, Manuel González, reuniuse este luns co conselleiro de Medio Rural, José González, para analizar a posibilidade de pór en marcha iniciativas para reorganizar o territorio coa finalidade de loitar contra o abandono de terras. O responsable de Medio Rural comprometeuse a analizar posibles proxectos de mobilización de terras "que contribúan a dinamizar este municipio", dixo.
O alcalde tamén trasladou ao responsable autonómico unha solicitude para mellorar infraestruturas no núcleo de Recesende, centrando as obras no acondicionamento de vías de acceso a este lugar.