'Niño do Monte', do mesón A Marronda, foi a proposta máis valorada polo público participante na terceira edición do concurso de tapas de Baleira, que se celebrou entre o xoves e o sábado pasado cun total de sete locais participantes.
A tapa gañadora estaba elaborada cun niño de patacas fritidas sobre o que se presentaba un anaco de carne picada de xabaril con salsa da casa, acompañado de ovo de paspallás e unha tosta de galleta artesá con pistachos ao forno.
O público non o tivo fácil á hora de elixir a mellor elaboración, dado o alto nivel das diferentes propostas. Así, Bodegón Fino presentou 'Pudin de cabracho'; Casa Miranda serviu 'Costela de porco con zume de nabo'; o bar Eligio optou por 'Bacallau ao forno'; 'Tenreira vianesa sobre crujiente de pataca, queixo do Cebreiro e mencía' foi a proposta do restaurante Moneda; mientras que bar Neireo e Punto de Encuentro serviron 'Roliño de primavera con exquisita salsa rosa' e 'Carrillada', respectivamente.
Julio Fernández, presidente da Asociación de Hostalería de Baleira, destacou o gran poder de convocatoria que tivo o concurso este ano. Cuantificou ao redor das 900 o número de tapas servidas durante os tres días
Estas boas cifras fanlle ser optimista sobre a continuidade dun certame "que en só tres anos está xa totalmente consolidado no calendario", explicou o presidente dos hostaleiros da localidade.
Entre todas as persoas que completaron a totalidade da ruta de tapas, a organización sorteou dúas cestas con produtos gastronómicos típicos da comarca.
Os agraciados con estes premios foron José Antonio Domínguez e un veciño da localidade, alcumado Pokemon. Os participantes no certame fotografáronse este luns, xunto ao alcalde de Baleira, diante do establecemento gañador.
