Representantes das provincias de Lugo e León asinaron este mércores o protocolo de colaboración para manter limpa de neve a vertente leonesa do porto de Pedrafita do Cebreiro, que se inclúe no Plan Provincial de Vialidad Invernal das estradas do Estado en Lugo.
O citado plan inclúe 993 quilómetros das trece estradas que integran a rede viaria do Estado na provincia de Lugo, ademais da vertente leonesa do porto de Pedrafita do Cebreiro.
A subdelegada do Goberno, Isabel Rodríguez, supervisou en Pedrafita do Cebreiro ese dispositivo de vialidad invernal, despregado polo Ministerio de Transportes, Mobilidade e Axenda Urbana, que conta con 42 máquinas quitaneves e 124 operarios. Ademais, o Estado fixo provisión de 9.300 quilos de sal e 2.515.000 litros de salmuera.
Isabel Rodríguez precisou que o plan de vialidad invernal, que permanece activo ata o mes de abril, xa "foi posto a proba o pasado fin de semana, coas primeiras nevadas que afectaron os municipios da Montaña" lucense.
De feito, foi activado de forma intermitente o "nivel verde de precaución" os días 27 e 28 en dúas estradas do Estado, concretamente na Nacional VIN e na Autovía do Noroeste (A-6), en límite das provincias de Lugo e León.
No Centro de Control de Túneles da A-6 tamén estiveron este mércores os responsables de Protección Civil na provincia, da Xefatura Provincial de Tráfico, do Subsector de Tráfico da Garda Civil e da Unidade de Estradas do Estado.
Tamén estivo presente o alcalde de Pedrafita do Cebreiro, José Luís Raposo
