A Garda Civil investiga a un home do lugar de Chao da Vila, en Becerreá, por presuntamente ameazar de morte a un veciño cunha forcada. Ao parecer, esta non é a primeira vez que se producen rifas entre estas dúas persoas, aínda que as súas discusións nunca chegarían a ser tan graves como esta última.
Nalgún momento da rifa, o agora investigado ameazaría á outra persoa con darlle morte á vez que blandía a forcada.
Aínda que finalmente non se produciu ningún tipo de agresión física, foi a propia vítima a que, medorenta desa actitude violenta do seu veciño, decidiría pór os feitos en coñecemento da Garda Civil, que agora investiga o caso por un posible delito de ameazas graves.
