Un aparatoso accidente de tráfico saldouse este martes pola tarde cun ferido leve. O sinistro tivo lugar ás 20.00 horas no quilómetro 10 da LUP0405, a estrada que une Fonteo e A Lastra, no municipio de Baleira.
Segundo informa a Garda Civil de Tráfico, o vehículo saíuse da vía e acabou despeñado. Un dos tres ocupantes sufriu lesións de carácter leve e os outros dous resultaron ilesos.