Son lugares ou relevos que se contemplan a diario, pero dos que se descoñece a súa configuración xeolóxica e a historia que albergan. 21 nenos e nenas de Cervantes aprenderon a facer unha lectura distinta da paisaxe na excursión organizada dentro do programa infantil do Centro de Desenvolvemento Rural (CDR) do municipio, que contou coa colaboración do geólogo Fran Canoso. Acompañados por monitoras voluntarias do centro, e tamén por algúns pais, os pequenos iniciáronse no manexo dun mapa topográfico e os seus símbolos co fin de identificar os distintos elementos da paisaxe, xa sexa unha zona de monte ou un pobo. Co uso do compás aprenderon a fixar a dirección para chegar a eses puntos, como se facía antes da utilización masiva do GPS.
Os novos tamén efectuaron procuras xeolóxicas para atopar elementos marcados no mapa e localizaron varios minerais típicos da serra ancaresa, escondidos previamente polas monitorias, que pasaron a formar parte da colección do colexio público de San Román.
Entre eles atopábase o cobre das antigas minas existentes no municipio ou a cervantita, que adoita aparecer nas minas de antimonio "e que se atopou por primeira vez non mundo en Cervantes, polo que leva ou seu nome", explica Fran Canoso.
Os nenos visitaron un lugar onde puideron ver restos de fósiles mariños duns 400 millóns de anos de antigüidade "e levaron como agasallo un anaquiño dese pasado xeolóxico do seu territorio", indicou o geólogo que dirixiu a xornada. "Por lestes tipo de sedimentos sabemos que Os Ancares foron un leito mariño antes de que se formasen as montañas", contextualizó Canoso.
