Navia de Suarna, un pobo de pouco máis de 1.000 habitantes da zona dos Ancares, recibiu coma se se tratase dunha festa a preestrea de
A pesar de que a
Gaitas para Oliver
Coa chegada de Oliver Laxe, comezaron a soar as gaitas e a xolda empezou a ser moito máis evidente. No pobo instalaron un photocoll, mobilizáronse os medios de comunicación e tanto Laxe como os actores protagonistas, Amador Arias e Benedicta Sánchez, causaron sensación.
"Oliver rodou a película nos Ancares e o lóxico é que se faga a presentación aquí", conta orgulloso Gerardo, un dos veciños de Navia de Suarna, que asegurou a Efe que nos meses nos que o equipo se desprazou para a película "participou todo o pobo" e involucráronse moito".
O mesmo contou Óscar, un mozo gandeiro que prestou as súas vacas para a película e que comentou que en Navia viviron todo o proceso da película con moita "ilusión".
"Todo o mundo colaborou en todo o que puido e descubrimos tamén o mundo do cine porque aquí ninguén sabía como ía iso", asegura Óscar, que, con todo, pensa que a través de O que arde moita xente poderá descubrir tamén "que é iso da gandería".
Así as cousas, os veciños non puideron esconder a súa felicidade ante a proxección dunha película que se rodou nunha contorna rural, que contou con xente do rural para facerse realidade e que ademais gañou varios premios no
Oliver Laxe: "Poida que sexa das proxeccións máis belas da miña vida"
"Sempre teño a sensación de que ás veces os cineastas roubamos da vida e escapámonos co botín e non o repartimos e non o devolvemos á vida con máis vida que antes", afirmou a Efe Oliver Laxe, que revela que tiña "moi claro" que a primeira proxección da súa película sería nos Ancares.
Segundo o cineasta, as películas non se fan cun só, senón cunha "rexión entregada", tanto por parte das institucións como por parte dos veciños, que dixo que "se desviviron e serviron á película con agarimo". "Poida que sexa das proxeccións máis belas da miña vida", declarou Laxe, un cineasta que se sente enormemente conectado con ese lugar de Galicia, no que naceu a súa nai e onde se criou de neno.
A historia de Amador
O que arde narra a historia de Amador (Amador Arias), un pirómano que volve a casa tras cumprir dous terzos da súa condena. A súa nai (Benedicta Sánchez) e as súas tres vacas espérano no pobo, onde a rutina se instala ata que un novo incendio fai explotar a calma.
"'O que arde é un mundo que morre pero que proxecta un gemido de orfandade e de rabia e que se resiste a que o enterren. Con dignidade, con nobreza, con humildade, con dozura. Iso é o que arde", explica Laxe. Para el, os personaxes enfróntanse á natureza "con soberana submisión" e con "aceptación", xa que teñen a madurez suficiente para "non fuxir do sufrimento e aceptalo como parte da vida".
"Gústame o cine que che exercita a paciencia e a capacidade de aceptación, que son basicamente os dous valores que quixemos transmitir a través de Amador e Benedicta", explica o cineasta, que na súa película reflexa unha Galicia rural en calma, cos seus xestos e os seus quefaceres diarios, pero tamén a brutalidade e violencia dos incendios.
Rodada en formato analóxico
Rodada en formato analóxico recolle coa súa cámara incendios reais que tiveron lugar en Ourense para retratar unha natureza violenta, para a cal tiveron que prepararse e realizar varios cursos, axudados pola brigada de bombeiros e equipos especializados.
"Eu amo a natureza con tolemia" afirma Benedicta Sánchez, a actriz protagonista, que con 83 anos asegura que durante a rodaxe lle preocupaba que se preocupasen por ela".
"Para min cruzar pola ladeira dunha montaña é normal. Cando te crías niso e che gusta, non hai problema ningún", declara Sánchez, que afirma que temos á natureza "afogada" con cemento e lastros e que "non vibra", ata que cando vibre, quizais explote e "caia en pedazos".