Os membros do GES de Becerreá atenderon ao longo do pasado ano un total de 496 urxencias. Gran parte das intervencións estiveron relacionadas con incidencias de tráfico e mantemento viario, pero tamén foron relevantes as actuacións ligadas á retirada de strong <>enxames de velutina.
Concretamente, os efectivos do GES de Becerreá atenderon o pasado ano un total de 43 accidentes de tráfico, 13 deles sen feridos. En tres destes sinistros foi necesario realizar excarceracións para poder rescatar ás vítimas.
A limpeza e mantemento de estradas foi outra das tarefas recorrentes para os integrantes do GES becerrense. Durante 2018 foron mobilizados en strong<> 63 ocasións para retirar árbores caídas, 30 por desprendementos e verteduras, 91 pola existencia de neve ou xeo, 40 pola presenza de animais soltos nas vías e 25 para retirar fauna morta ou ferida por mor de atropelos.
En canto a urxencias sanitarias, os efectivos do GES actuaron en oito misións de apoio ao 061
Os membros do GES foron solicitados en strong<> outras 31 ocasións para axudar en tarefas de control do tráfico en festas e mercados de diferentes concellos, mentres que noutras sete ocasións tiveron que acudir para retirar postes eléctricos ou cables caídos sobre estradas e camiños por mor de temporais.
O GES becerrense tamén actúa en casos de incendios e urxencias médicas. En 2018, os seus efectivos foron mobilizados en 14 ocasións para extinguir lumes en vivendas. Na maioría dos casos, son incidencias que se inician nas chemineas, aínda que en ocasións as chamas estendéronse aos tellados causando importantes danos. Noutras cinco ocasións, estes incendios producíronse en vehículos ou maquinaria agrícola.
En canto a urxencias sanitarias, os efectivos do GES actuaron en oito misións de apoio ao 061 e para axudar á evacuación en strong <>helicóptero de persoas feridas. Nestes casos, o labor destas brigadas resulta fundamental para poder achegar o paciente ata o lugar de aterraxe da nave, o que adoita levar complicadas tarefas de rescate. Unha destas urxencias médicas estivo relacionada cun escape de gas.
