Un motorista, con iniciais J.C.J e 60 anos, resultou este martes ferido ao chocar cun todoterreo en Baleira.
O suceso produciuse pasadas as 16.30 horas no punto quilométrico 32 da estrada LU-530 á altura da parroquia da Esperela.
O condutor da moto perdeu o control da mesma e impactou contra o todoterreo. Como consecuencia do choque o home, de nacionalidade estranxeira, tivo que ser evacuado ao Hula con varias contusións e, ao parecer, unha perna rota.
O 112 mobilizou ao 061, aos bombeiros de Sarria, ao subsector de Tráfico da Garda Civil e a efectivos de protección civil.