A colisión entre un turismo e unha motocicleta da Garda Civil de Tráfico saldouse este xoves cun ferido leve. O sinistro produciuse á altura do quilómetro 476 da Nacional-VI, nas inmediacións do restaurante Casa García, no municipio de Baralla. O sinistro acaeceu pasadas as dúas da tarde.
A FONSAGRADA. O condutor dunha moto sufriu lesións leves tras saírse da vía na estrada LU-530 á altura de Cerredo, na Fonsagrada. O accidente produciuse ás 20.00 horas, e ao lugar acudiron unha ambulancia do servizo de urxencias sanitarias 061, que trasladou ao motorista ao hospital Lucus Augusti, así como a Garda Civil, efectivos da Policía Local e de Protección Civil do municipio.
O estado do accidentado non parecía revestir gravidade, pero foi trasladado ao centro hospitalario para ser sometido a un recoñecemento médico.