Un home resultou ferido na noite deste xoves ao envorcar co seu todoterreo en Cervantes.
O suceso produciuse pasadas as 22.30 na estrada LU-1404 do mencionado municipio á altura do lugar de Vilaluz.
Por causas que se descoñecen o condutor e único ocupante do vehículo perdeu o control, saíuse da vía e envorcou. Como consecuencia o home quedou atrapado no interior do vehículo.
Ao lugar desprazáronse de inmediato membros de protección civil de Cervantes, a Garda Civil, o GES de Becerreá e os bombeiros de Sarria. Os efectivos tiveron que escarcelar á vítima que foi trasladada ao Hula.