O rei Felipe VIN recibiu este martes aos novos funcionarios da XLIV promoción de letrados da Administración de Xustiza no Palacio Real do Pardo. Acudiron acompañados polo secretario de Estado de Xustiza, Antonio Julián Rodríguez; o secretario xeral para a Innovación e Calidade do Servizo Público de Xustiza, Manuel Olmedo Palacios, e pola directora do Centro dos Estudos Xurídicos, Abigail Fernández González.
Entre os asistentes atopábase o lucense Álex Maseda Mallo, secretario municipal da Fonsagrada, graduado en Ciencia Política e da Administración pola USC en 1991. Foi a segunda mellor nota a nivel nacional na oposición de 2018 a secretario municipal de concellos de menos de 5.000 habitantes.
Este corpo da administración de Xustiza desempeña funcións encomendadas pola Lei Orgánica do Poder Xudicial e outras que lles atribúen as leis procesuais, como recorda a web da Casa Real.
