José Quintela Arias, o frade franciscano do Cebreiro condenado por abuso sexual, faleceu esta semana no Hospital Lucus Augusti de Lugo. Quintela levaba tres meses ingresado, xa que se atopaba moi débil polo seu deteriorado estado de saúde.
O relixioso foi trasladado ao hospital desde o centro penal de Bonxe, onde cumpriu tanto a pena de prisión preventiva como a definitiva, despois de que o Tribunal Supremo ratificase o pasado mes de novembro a sentenza da Audiencia Provincial de Lugo que lle castigaba con doce anos de cárcere por un delito de abuxo sexual cotinuado a unha menor de idade de 16 anos, cunha discapacidade próxima ao límite, e por tocamentos a un novo de 20 anos, familiar da anterior e con discapacidade intelectual leve.
O relixioso, que na actualidade tiña 64 anos, cometeu estes delitos entre finais de 2014 e principios de 2015.
Quintela, que atendeu durante catro anos o santuario do Cebreiro, actuou con prevalimiento, ao ser 40 anos maior que as vítimas e pola precaria situación familiar e persoal da menor.
