O Ges de Becerreá interveu a última hora da tarde deste luns na extinción dun incendio que afectou á chimena dun establecemento de turismo rural no lugar de Cantiz, a uns 17 quilómetros do centro urbano.
Un particular alertou ao 112 Galicia que mobilizou á Garda Civil, GES de Becerreá e bombeiros de Sarria, aínda que estes últimos non chegaron a actuar. A rápida intervención dos servizos de urxencia evitou que o lume afectase o conxunto do inmoble, aínda que se viu afectada unha parte da cuberta
Afortunadamente non houbo que lamentar danos persoais. Palacio de Cantiz, como así de denomina o establecemento afectado, é unha construción do século XVI na que a actualidade se ofrece tanto servizo de aloxamento como de restauración.