Varios membros do club Acivro, que esta fin de semana se atopaban realizando unha excursión ao pico Mustallar nos Ancares (Cervantes) lograron ver e mesmo gravar durante varios segundos a un exemplar adulto de oso pardo.
A presenza do animal desatou a alegría de quen o divisaron, que sorprendidos ao poder velo correr durante un bo treito non escatimaron eloxios á hora de encomiar a súa beleza.
Ao tratarse dunha especie que está aínda en proceso de recuperación, o avistamento de osos na montaña lucense non adoita ser un feito frecuente e menos como neste caso, xa que quen o viron puideron observalo correr en toda a súa plenitude durante un razoable espazo de tempo.
En todo caso esta non foi a primeira vez que pola zona grávase a un exemplar desta especie. De feito, o animal que foi inmortalizado esta fin de semana ben puidese ser o mesmo que en abril de 2020, en pleno confinamento, tamén gravou un veciño da zona, aínda que por aquel entón o exemplar atopábase na vertente leonesa. Se quere ver o vídeo deste último avistamento pode facelo en www.elprogreso.es