A Garda Civil detivo este xoves a dous individuos de 30 e 32 anos, veciños de Lugo e Vilalba e de orixe romanesa, como supostos autores dun delito de roubo con forza que levou a cabo na Fonsagrada o pasado mes de xuño.
Os feitos delituosos tiveron lugar nun almacén de material de construción do municipio fonsagradino, no cal os autores do delito leváronse material valorado en 2.500 euros. Os dous detidos pola Garda Civil foron postos a disposición xudicial.
Por outra banda, o instituto armado imputou en calidade de investigado a un mozo de 19 anos e veciño de Rábade como suposto autor dun delito de falsidade documental en permiso de condución de Romanía. Os axentes solicitaron o permiso de condución ao imputado, que presentou un documento expedido no Reino Unido sen os elementos esenciais de seguridade.
