A Garda Civil de Lugo imputou en calidade de investigado un veciño de Becerreá, de 62 anos, como suposto autor dun delito contra a seguridade viaria por sextuplicar a taxa de alcol permitida.
Segundo informou a Benemérita, o suceso tivo lugar na estrada N-VI ás 19.40 horas do pasado domingo, día 25.
Axentes da Garda Civil identificaron o condutor dun turismo que estacionara en pleno carril da estrada nacional, nunha curva sen visibilidade, causando un grave perigo de colisión con outros usuarios da vía.
Ante esta situación, someteuse ao condutor a unha proba de alcoholemia, arroxando nun primeiro resultado 1,53 miligramos de alcol por litro aire expirado, sextuplicando a taxa máxima de alcol permitida ao volante.
Segundo precisaron os axentes, esta taxa é a máis alta detectada nos últimos anos na comarca dos Ancares.
O condutor foi posto a disposición da Autoridade Xudicial de Becerreá.
Deteñen un condutor de Becerreá por sextuplicar taxa de alcol
Axentes da Garda Civil identificaron ao individuo tras estacionar en pleno carril da N-VI, nunha curva sen visibilidade, causando un grave perigo de colisión con outros usuarios da vía
