jueves. 28.10.2021 |
El tiempo
jueves. 28.10.2021
El tiempo

Courel Vivo presenta unha queixa polo trato do médico do centro de saúde de Seoane

Centro de salud de Seoane, en Folgoso do Courel. EP
Centro de saúde de Seoane, en Folgoso do Courel. EP
A asociación pide ao Sergas que se cubra a praza con outra "persoa válida"

Courel Vivo presentou unha queixa formal ante a Consellería de Sanidade polo trato que dá aos seus pacientes o médico encargado do centro de saúde de Seoane, no municipio de Folgoso do Courel. 

Así, demándase que se cubra esta praza con outra "persoa válida" ante o "grao de desatención e neglixencias médicas" que sofren os pacientes. 

Así mesmo, pide unha reunión coa Xerencia de Primaria de Lugo para poder buscar unha solución a esta problemática, á vez que se require que se teñan en conta as reclamacións realizadas a atención ao paciente. 

Entre as queixas que apunta Courel Vivo, atópase a "negativa a ver e tratar urxencias", a "derivación de pacientes a 50 quilómetros por casos que outros facultativos resolven no propio centro de saúde", así como a "nulidade á hora de tramitar un simple volante". Unha situación que provoca que veciños "non acudan" a este centro. 

Courel Vivo presenta unha queixa polo trato do médico do centro de...
comentarios