A estrada provincial LU-P-3508 no municipio de Navia de Suarna, ao seu paso polo núcleo de Murias, permaneceu cortada ao tráfico este mércores por desprendementos causados polas choivas.
Así informou a Deputación de Lugo nun comunicado, no que explicou que "debido ás fortes choivas" producidas durante esta semana, "parte da ladeira cedeu e caeron pedras ao firme" que obrigaron a cortar a circulación, que a esta hora xa foi restablecida.
Os traballos na LU- P-3508 comezaron a media mañá, en canto pechou a estrada, momento no que o Goberno da Deputación mobilizou ás empresas encargadas da conservación da zona, para executar as pertinentes labores de limpeza.