A Confederación Hidrográfica do Cantábrico acaba de finalizar uns traballos de acondicionamento, conservación e mellora do río Cervantes no contorna de San Tomé de Cancelada, no termo municipal cervantego.
Segundo informaron o organismo de conca, a actuación consistiu, fundamentalmente, na retirada de restos vexetais depositados na canle do río que foran arrastrados pola corrente, formando tapóns que impedían o correcto discorrer das augas. Tamén se retiraron árbores secas para evitar que caesen na canle e creasen novos tapóns.
Estes traballos contaron cun orzamento de 18.000 euros e executáronse a través de persoal da empresa pública Tragsa, dentro do programa de mantemento e conservación de canles que desenvolve a CH do Cantábrico. Desde esta entidade recordaron que intervencións como esta se realizan en resposta ás solicitudes realizadas polos municipios e en desenvolvemento do compromiso asumido pola Subdelegación do Goberno e o presidente da CH coa Federación de Asociacións de strong<> Vecinos de Lugo a finais do pasado ano.
Para rematar, o organismo de conca fixo fincapé en que os labores de conservación de canles en zonas urbanas son competencia dos concellos, polo que as actuacións da CH circunscríbense ás zonas non urbanizadas.
