Un novo tremor de terra afectou este mércores pola mañá a montaña lucense. En concreto, o terremoto tivo lugar no municipio de Baralla ás 11.13 horas, segundo a información divulgada na súa web polo Instituto Xeográfico Nacional. A magnitude do sismo situouse en 2,2. Con estes valores, xeralmente non son perceptibles para a poboación.
Non foi o único movemento sísmico rexistrado nas últimas horas na comunidade. O organismo informa tamén doutro tremor que se produciu ás 7.57 da mañá no concello do Grove, neste caso de magnitude 1,8. Dous días antes o mesmo concello xa vivira outro pequeno terremoto.
