A baleiresa Aurelia Fernández, veciña do lugar de Fontecavada, na parroquia de Córneas, celebrou o pasado 6 de maio cen anos de idade.
No seu aniversario estivo acompañada dos seus familiares e do alcalde, Ángel Enrique Martínez Puga, que quixo felicitala por chegar a centenaria con tan bo estado de saúde e lucidez.
Tamén se achegaron outros membros da corporación, que renderon homenaxe a esta veciña que actualmente vive co seu fillo e que sempre traballou no campo e en casa.
