Viernes. 21.09.2018 |
El tiempo
Viernes. 21.09.2018
El tiempo

Arrincan as obras de mellora de varios espazos públicos en O Cebreiro

Operarios traballando no empedrado da rúa. EP
Operarios traballando no empedrado da rúa. EP

A Xunta e o Concello colaboran na rehabilitación dunha fonte e na renovación do pavimento de pedra das rúas interiores

O Concello de Pedrafita iniciou esta semana as obras de restauración da fonte pública e a mellora do empedrado das rúas de O Cebreiro. Este proxecto conta cun orzamento de máis de 40.000 euros, dos cales o goberno local achega 15.000. A Xunta colabora a través dunha subvención de Turismo de Galicia, que ascende a case 30.000 euros.

O rexedor, o socialista José Luis Raposo Magdalena, explicou que a renovación do pavimento era "moi necesaria". Alegou que estas rúas teñen "pedras irregulares con xuntas de formigón, que se deteriora non inverno debido ao tempo e a que hai que botar sal cando neva. Hai que repoñelo cada certo tempo", di.

Ademais, o alcalde indicou que tamén se restaurará a fonte pública, situada no poboado. Os traballos implicarán a instalación de iluminación ornamental, así como a reparación da madeira e a lousa.

Segundo asegurou Raposo, "estabamos esperando a que pasase esta onda de visitantes para empezar as obras, pero xa tiñamos que inicialas porque se nos botaba o tempo enriba". "A partir do día 15 esperase que xa baixen os visitantes, así que aproveitamos para realizar esas melloras", afirmou. Nun principio, valorábase acabar as actuacións antes de que terminase setembro, pero finalmente ampliouse o prazo ata o 20 de outubro.

SEN MOLESTIAS. Aínda que non se rexistraron peticións veciñais no tocante a estas melloras, o alcalde socialista considera que non hai que esperar a que estas se materialicen. "As administracións debemos ir por diante no tema de solucionar obstáculos", opina Raposo Magdalena.

O socialista precisou que as obras se farán "por partes". "Así esperamos causar as menos molestias posibles", manifestou. Deixou claro, ademais, que "non se obstaculizará ningunha entrada a ningún comercio".

Arrincan as obras de mellora de varios espazos públicos en O Cebreiro
Comentarios