A cabeza tractora dun camión ardeu por completo este venres de madrugada na A-6, á altura de Becerreá. O suceso produciuse ás 2.00 horas no quilómetro 447 da autovía.
O incendio afectou só á cabeza tractora do vehículo articulado, que arrastraba un semirremolque cargado de produtos alimentarios. O condutor e único ocupante resultou ileso, segundo informa a Garda Civil de Tráfico.
BARALLA. Tamén na A-6, pero a última hora do xoves, produciuse un choque por alcance dun turismo cun camión a altura de Baralla que implicou polo menos a outros dous coches, segundo fontes consultadas por este xornal.
A pesar da aparatosidade do sinistro non se rexistraron feridos de gravidade, aínda que as dúas ocupantes do vehículo que chocou co camión foron trasladadas nunha ambulancia do 061 ao momento de Atención Continuada (PAC) de O Corgo con dores no peito e moi nerviosas, pero non parecían presentar lesións de importancia. No turismo con dous gatos e un can, nos seus transportíns.
