O alcalde de Candín, José Antonio Álvarez Cachón (PP), defende que o procedemento aberto para o cambio do nome do municipio co fin de denominalo Ancares "non vai contra ninguén, nin responde á intención de apropiarse do topónimo da comarca interautomómica". Asegurou que o que se intenta é "solicitar os informes das administracións competentes para ver se existe a posibilidade de que o concello se chame Ancares, como resposta á insistencia veciñal, que sempre estivo aí desde fai máis de 30 anos e que agora é máis forte".
"Non sabemos se o proceso sairá adiante, nin cuestionamos que en Galicia empreguen aqueles strong <>nomes que estean autorizados legalmente", agregou o rexedor. Desde Candín, termo de 270 habitantes onde nace o río Ancares, sinalan que só queren conservar o nome histórico do val e da canle fluvial do Ancares, que consideran a orixe da nomenclatura da sierre que abarca León e Galicia.
Álvarez Cachón subliñou que esta iniciativa só busca aclarar se hai "base histórica e fundamentos xurídicos. Tomaremos unha decisión en función dos informes que se soliciten, pero a nosa intención non é ir contra ninguén", agregou o rexedor berciano en alusión aos receos que suscitou esta iniciativa nos concellos de Cervantes e Navia, onde entenden que a proposta da corporación de Candín é unha manobra para apropiarse do nome dunha comarca interautonómica.
O rexedor insistiu en que o seu obxectivo é abrir "un proceso transparente, no que se analizarán a documentación existente e as alegacións que nos presenten antes de adoptar unha decisión". O prazo para alegar ao acordo de iniciación do expediente, aprobado pola corporación de Candín en decembro, é dun mes a partir do pasado día 30.
Álvarez confía en que esta situación non afecte o espírito de colaboración entre os concellos limítrofes de Galicia e O Bierzo, "que debe manterse". O expediente resolverao a Xunta de Castela-León. A Deputación e o Consello Comarcal do Bierzo emitirán informes sobre o procedemento. Tamén se pronunciarán a Real Academia da Historia e a Real Sociedade Xeográfica.
