O veciño de Navia de Suarna desaparecido o pasado 30 de abril foi localizado este martes sen vida, segundo informou a central do 112. Atendendo aos seus datos, a Garda Civil investiga o ocorrido.
O achado, confirmado polo instituto armado pasadas as 11.30 horas tras dúas semanas de procura infrutuosa, levou a mobilizar tamén o GES de Becerreá e a Protección Civil de Lourenzá, Pol e A Fonsagrada. O alcalde de Navia de Suarna, José Fernández, confirmou que o corpo do home foi atopado "a un quilómetro da súa casa, nun sitio bastante escondido, onde hai bastantes árbores". Os indicios apuntan a un suicidio.
Os traballos de busca prolongáronse varios días, despois de que o home, duns 50 anos, desaparecese da súa casa no lugar de Ventosa. Foi un veciño quen alertou de que non o vía desde había un día. José Fernández dixo referencia este martes aos problemas de saúde do veciño, que padecía unha enfermidade mental.
